ແຂວງ ອັດຕະປື ໄດ້ຈັດກິດຈະກໍາ ພິທີແຫ່ດອກໄມ້, ທູບ, ທຽນ ສະຫຼອງ ບູຊາ ຫໍຫຼັກເມືອງຂອງແຂວງ ດ້ວຍຄວາມປິຕິຊົມຊື່ນເປັນຢ່າງຍິ່ງ ເຊີ່ງເປັນສະຖານທີ່ສາທາລະນະມຸງຄຸນ, ມິ່ງຂວັນ ຂອງປວງປະຊາລາວ ບັນດາເຜົ່າຊາວແຂວງ ອັດຕະປື.
ພີທີດັ່ງກ່າວ ໄດ້ມີຂື້ນໃນຕອນແລງຂອງວັນທີ 29 ມີນາ 2025 ນີ້ ທີ່ວັດຫລວງ ລັດຕະນາຣາມ, ບ້ານ ວັດຫລວງ, ເມືອງ ສາມັກຄີໄຊ, ແຂວງ ອັດຕະປື, ເຂົ້າຮ່ວມນໍາພາໃນພິທີ ຝ່າຍສົງ ໂດຍຄວາມເມດຕາຂອງ ພຣະອາຈານໃຫຍ່ ມະຫາສຸວັນ ຈັນທະລາດ ປະທານອົງການພຸດທະສາສະໜາສໍາພັນລາວ ແຂວງຈໍາປາສັກ, ພຣະອາຈານໃຫຍ່ ສີສະຫວາດ ເທບວົງສາ ປະທານອົງການພຸດທະສາສະໜາສໍາພັນລາວ ແຂວງອັດຕະປື, ພຣະອາຈານໃຫຍ່ ບຸນໂຖ້ຍ ໄຊຍະບຸດ ປະທານອົງການພຸດທະສາສະໜາສໍາພັນລາວ ແຂວງເຊກອງ, ພຣະອາຈານໃຫຍ່ ຄໍາເປ ຈັນທະຈອນ ຮັກສາການປະທານ ອພສ ແຂວງສາລະວັນ ແລະ ພຣະອາຈາຣຍ໌ໃຫຍ່ ປອ. ພວງປະເສີດ ພູມມາວົງ ຄະນະບໍລິຫານປະຈໍການ ສູນກາງ ອົງການພຸດທະສາສະໜາສໍາພັນລາວ, ພ້ອມດ້ວຍພຣະເຖຣາ ນຸເຖຣະພານໃນແລະ ຕ່າງແຂວງ,
